Жорий йилнинг 5-8 ноябрь кунлари Сурхондарё вилоятининг Термиз шаҳрида Кураш бўйича 2003-2004 йилда туғилган ўсмирлар ўртасида Ўзбекистон чемпионати ўтказилади. Унда мамлакатимизнинг барча ҳудудларидан иқтидорли курашчилар бош соврин учун гиламда куч синашадилар. Беллашувлар ўғил болалар ўртасида 42, 46, 50, 55, 60, 65, 71, 77, 83, 90, +90 кг, қизлар ўртасидаги баҳслар 36, 40, 44, 48, 52, 57, 63, 70, +70 кг.вазн тоифаларида бўлиб ўтади. Бош ҳакам - Сирожиддин Чориев. Мусобақанинг очилиш маросими ҳамда дастлабки кун беллашувлари 6 ноябрь Термиз шаҳридаги "Алпомиш" спорт мажмуасида ўтказилади. Мусобақанинг биринчи кунида умумий 189 нафар курашчилар, шулардан кизлар 36, 40, 44 кг, ўғил болалар 42, 46, 50, 55 кг вазн тоифаларида гиламга тушади. Биз ўз навбатида барча полвонларимизга мазкур мусобақада омад ва зафарлар тилаб қоламиз.

Ўзбекистон Республикаси Жисмоний тарбия ва спорт вазирлигининг 2020 йил 4 ноябрдаги 1284-сонли буйруғига асосан, жорий йил 5-8 ноябрь кунлари Сурхондарё вилоятининг Термиз шаҳрида 2003-2004 йилларда туғилган ўсмирлар ўртасида Ўзбекистон чемпионати ўтказилади. Унда мамлакатимизнинг барча ҳудудларидан келган иқтидорли курашчилар мамлакат биринчилиги учун гиламда куч синашадилар. Қайд этиш жоиз, кураш бўйича мамлакат биринчилиги мазкур Вазирликнинг 2020 йил 9 июндаги 681-сонли "COVID-I9 пандемияси даврида ҳудудларда спорт тyрлари бўйича машғyлотлар, мусобақалар ҳамда ўқув-машғyлот йиғинларини ташкил этиш тўғрисида"ги буйруғи талаблари асосида ташкил этилади. Биз ўз навбатида барча полвонларимизга мусобақада омад ва ғалаба тилаб қоламиз.

Айни кунларда пойтахтимиздаги Халқаро Кураш Ассоциацияси биносида жойлашган Кураш тарихи музейига экскурсия ташкил этилмоқда. Бугун, музейга Тошкент шаҳар Яккасарой ва Олмазор туман ҳокимлиги, туман Прокуратураси, Солиқ бошқармаси, туман Ички ишлар бўлими ходимлари, шунингдек, ёш курашчилар ташриф буюришди. 

2020 йил 29 октябрь Ўзбекистон Кураш Федерацияси раҳбарияти, хусусан, Федерация Раисининг биринчи ўринбосари, замонавий кураш спорт тури асосчиси Комилжон Юсупов бошчилигида, федерациянинг спорт ишлари бўйича Раис ўринбосари, уч карра олимпиада совриндори, икки карра Жаҳон чемпиони Ришод Собиров, ЎКФ ташкилий-назорат ишлари бўйича Раис ўринбосари Камол Усмонов ва ЎКФ ҳакамлар ҳайъати раиси, халқаро тоифадаги спорт устаси Олимжон Ҳайитовдан иборат делегация аъзолари жорий йил 1-3 ноябрь кунлари Афғонистон Ислом Республикаси пойтахти Қобул шаҳрида Кураш спорт тури бўйича илк бор ўтказилаётган Республика чемпионатида иштирок этиш учун жўнаб кетдилар. Айни кунларда делегациямиз аъзолари Ўзбек кураши бўйича мамлакат биринчилигида иштирок этмоқлар.

Ўзбекистон Кураш федерацияси ҳамда Ўзбекистон Республикаси Жисмоний тарбия ва спорт вазирлиги ҳамкорлигида пандемия даврида курашчиларимизнинг юқори даражада жисмоний ва руҳий холатини таъминлаш, шунингдек бўш вақтини мазмунли ва фойдали ўтказиш мақсадида мунтазам онлайн машғулотларини ташкил этди. Терма жамоа мураббийлари онлайн-машғулотлари орқали кураш усуллари, оддий ва мураккаб техник ва тактик ҳаракатлар ҳамда турли жисмоний машғулотлар орқали спортчиларнинг маҳоратини янада оширишиб боришга алоҳида эътибор қаратдилар. Федерация раҳбарияти томонидан ана шундай мураккаб даврда спортчиларга юқори кайфият улашиш, жамоа бирдамлигини қўллаб-қувватлаш мақсадида онлайн машғулотларнинг энг фаол иштирокчилари орасида ўзаро челендж ташкил этилди. Мазкур челенджда республикамизнинг барча вилоят ва туманларидан нафақат номдор полвонлар, балки эндигина кураш сир-асрорларини ўрганиб келаётган кичик ёшдаги курашчиларимиз ҳам бажонидил иштирок этдилар. Ўзбекистон Кураш федерацияси барчани бундан кейин ҳам доимий ҳаракатда бўлишга, соғлиғини мустаҳкамлаб боришга ва жисмоний машқларни мунтазам равишда бажаришга ундайди. Шунингдек, барча мураббий ва курашчиларимизга ноодатий шароитда фидойилик билан машғулот олиб бориш истаги учун ташаккур билдирди. 

Бош прокурор Ниғматилла Йўлдошев Ўзбекистон Миллий Кураш Федерацияси Раиси лавозимига сайланди. Ўзбекистон Кураш Федерациясининг навбатдан ташқари ҳисобот-сайлов конференцияси 2019 йил 6 октябрь куни Термизда бўлиб ўтди. «Сайловда бошқа номзодлар кўрсатилмади ва Ниғматилла Йўлдошев бир овоздан Ўзбекистон Кураш Федерацияси Раиси лавозимига сайланди», дейилади ташкилот матбуот хизмати хабарида.

Қайд этиш жоиз, Ўзбекистонда Миллий Кураш спорт тури прокуратура тизимига бириктирилган. Вилоят прокурорлари бир вақтнинг ўзида вилоят Кураш федерацияси раҳбари ҳам саналади. Маълумот учун, 2019 йил 5-6 октябрь кунлари Термизда ўзбек кураши бўйича Ўзбекистон Президенти соврини учун XIV анъанавий Ал Ҳаким Ат-Термизий халқаро турнири бўлиб ўтди. Мукофот жамғармаси 100 минг АҚШ доллари бўлган халқаро мусобақада 48та давлатнинг 130 нафардан зиёд спортчилари қатнашди.

Кураш бўйича Ўзбекистон чемпионати Тошкент вилоятининг Олмалиқ шаҳридаги “Металлург” спорт мажмуасида ўтказилди. Ўзбекистон Кураш федерацияси ҳамда Жисмоний тарбия ва спорт вазирлиги томонидан ташкил этилган мазкур мусобақада республикамизнинг барча ҳудудларидан келган 300 дан зиёд спортчилар ғолиблик учун беллашдилар. Эркаклар ўртасида ўтказилган баҳсларда Фурқат Маъруфжонов, Руслан Бўриев, Шермуҳаммад Жандриев, Яҳё Имомов, Муҳсин Ҳисомиддинов, Муҳаммад Жумаев, Умар Бозоров шоҳсупанинг энг юқори поғонасига кўтарилди. Хотин-қизлар беллашувларида Моҳинур Мўминова, Зарнигор Раҳмиддинова, Ирода Мамашоева, Севинч Исоқова, Шаҳноза Бозорова, Покизахон Камолиддинова, Юлдуз Муҳаммадиева ҳамда Рината Илматова ўз вазн тоифаларида тенгсиз эканини исботладилар. Чемпионат якунига кўра, Сурхондарё полвонлари пешқадам, Тошкент вилояти жамоаси иккинчи, Навоий ва Фарғона жамоалари эса умумжамоа ҳисобида учинчи ўринни эгалладилар. 

2019 йил 19-20 июнь кунлари Таиланднинг Паттайя шаҳрида ўзбек кураши бўйича ёшлар ўртасида Осиё чемпионати бўлиб ўтади. Осиё–Океания кураш Конфедерацияси тақвим режасидан ўрин олган мазкур мусобақада 20 мамлакатдан 200 нафардан зиёд спортчи иштирок этиши кутилмоқда. Мусобақада Ўзбекистон терма жамоаси катта делегация бўлиб қатнашади. Унда 30 нафар ёш курашчимиз қитъа чемпионлиги учун баҳс олиб бориши белгилаб қўйилган. Ҳамюртларимиз бугун тунда Таиланд сафарига жўнаб кетишади. Шунингдек, қитъа биринчилиги доирасида 18 июнь куни Осиё-Океания кураш конфедерациясининг навбатдаги Конгресс йиғилиши ҳам бўлиб ўтади. Унда конфедерацияга Лаос, Бангладеш, Қирғизистон каби янги федерациялар аъзоликка қабул қилиниши кутилмоқда.

Кураш бўйича Президент соврини учун ҳазрат Баҳовуддин Нақшбанд хотирасига бағишланган халқаро турнир ғолиблари 

Аёллар -52 кг. 1. Гулнор Сулаймонова (Ўзбекистон) 

2. Чиа-Вен Соу (Хитой тайпейи) -63 кг. 

1. Шаҳноза Бозорова (Ўзбекистон) 

2. Суҳанобону Шайх (Ҳиндистон) 

3. Зарнигор Одилова (Ўзбекистон) 

3. Чиа Лин Лиу (Хитой Тайпейи) 

-78 кг. 1. Покизахон Камолиддинова (Ўзбекистон) 

2. Мереке Айала (Қозоғистон) 

3. Садоқат Тўраева (Ўзбекистон) 

3. Чиа Жинг Као (Хитой тайпейи) 

 Эркаклар -60 кг.  1. Чори Зойиров (Ўзбекистон) 

 2. Аманхан Оскенбаев (Қозоғистон) 

 -66 кг. 1. Жаъфар Фирузободи (Эрон) 

 2. Миржон Тўхтаев (Ўзбекистон) 

 -73 кг.  1. Ўрол Содиқов (Ўзбекистон) 

 2. Муҳаммад Темиров (Туркманистон) 

 3. Маъруф Ғайбуллаев (Ўзбекистон) 

 3. Зарафшон Темиров (Тожикистон) 

 -81 кг.  1. Сарвар Шомуродов (Ўзбекистон) 

 2. Омид Тазтак (Эрон) 

 3. Ҳақназар Назаров (Тожикистон) 

 3. Мадиёр Эркинов (Ўзбекистон) 

 -90 кг.  1. Шермуҳаммад Жандриев (Ўзбекистон) 

2. Жамалбек Асилбек ули (Қозоғистон) 

-100 кг. 1. Эркин Дониёров (Ўзбекистон)

 2. Ҳамед Рашиди (Эрон) 

+100 кг. 1. Муҳсин Ҳисомиддинов (Ўзбекистон) 

2. Дадахон Қурбоналиев (Тожикистон) 

3. Ахан Фароуш (Эрон) 

3. Болтабой Болтаев (Ўзбекистон)

 2019 йил 7-12 июнь кунлари Бухоро шаҳридаги “Бухоро” спорт мажмуасида Ўзбекистон Республикаси Президенти соврини учун кураш бўйича ҳазрат Баҳоуддин Нақшбанд хотирасига бағишланган халқаро турнир ўтказилади. Илк маротаба ташкил этилаётган халқаро турнирда Эрон, Ҳиндистон, Италия, Мексика ва Жанубий Африка Республикаси каби дунёнинг 50га яқин давлатидан 100дан ортиқ номдор полвонлар ғолиблик учун беллашиши кутилмоқда. Халқаро турнирда эркаклар 60, 66, 73, 81, 90, 100 кг.гача ҳамда 100 кг.дан юқори вазн тоифаларида куч синашса, аёллар 52, 63 ва 78 кг.гача бўлган вазнда ғолиблик учун баҳс олиб боришади. Мусобақада ўз вазн тоифаларида 1-ўринни қўлга киритган полвонлар 3000 АҚШ доллари, 2-ўрин соҳиблари 2000 АҚШ доллари ҳамда 3-ўринга сазовор бўлган полвонлар эса 1000 АҚШ доллари миқдоридаги пул мукофотлари билан ҳам тақдирланади. 8 июнь куни кечки пайт "Бухоро" стадионида турнирнинг тантанали очилиш маросими ва катта концерт бўлади. 9-10 июнь кунлари кечки пайт шу стадионда кураш беллашувлари ўтказилади 

Айни кунларда Саудия Арабистоннинг Жидда шаҳрида Ислом бирдамлиги спорт федерациясининг навбатдан ташқари Бош Ассамблеяси бўлиб ўтмоқда. Ушбу йирик анжуман доирасида ташкилотга янги президент сайлаш кун тартибининг асосий масаласи эди. Сайлов натижаларига кўра, 2019-2021 йиллар учун ташкилотга президент сифатида шаҳзода Абдулазиз Бин Турки Ал Файсал Ал Сауд сайланди. Ассамблеяда сайлов жараёнидан ташқари, Миллий олимпия қўмиталари ва Халқаро спорт федерациялари ўртасида қатор соҳаларни биргаликда ривожлантириш, ҳамкорлик алоқаларини мустаҳкамлаш чора-тадбирлари бўйича музокаралар олиб борилди. Унда Ўзбекистон Миллий олимпия қўмитаси номидан МОҚ Бош котиби Жасур Матчанов иштирок этяпти. Биз учун қувонарлиси, ўзбек халқининг миллий спорт тури ҳисобланмиш Кураш эндиликда Ислом бирдамлиги спорт ўйинлари дастурига киритиладиган бўлди. “Биз ташкилот президенти ва Бош котиби билан Курашни Ислом бирдамлиги спорт ўйинлари дастурига киритиш масаласини муҳокама қилдик. Ғоя маъқулланди. Биз Халқаро Кураш ассоциацияси президенти, Осиё ўйинлари департаменти директори Хайдар Фармон билан ҳам бу масала бўйича алоқага чиқдик ва у киши ҳам фикримизни қўллаб-қувватлади. 

Курашни 2021 йилги Ислом бирдамлиги спорт ўйинлари дастурига киритиш учун кеч бўлса-да, 2025 йилги мусобақага қўшишнинг имкони бор. Насиб қилса, курашчиларимиз Ислом бирдамлиги спорт ўйинларида ҳам ўз маҳоратларини намойиш қилишади”, – деди Жасур Матчанов. Бизни қувонтирадиган жиҳати, Кураш тобора кўплаб комплекс спорт мусобақалари дастурига кириб бормоқда. Дастлаб 2017 йили Туркманистоннинг Ашхобод шаҳрида бўлиб ўтган Жанг санъати ва ёпиқ иншоотлардаги V Осиё ўйинлари, кейинчалик 2018 йил Индонезия мезбонлик қилган XVIII Осиё ўйинлари дастурига кирган Кураш эндиликда Ислом бирдамлиги спорт ўйинлари оиласида. Эслатиб ўтамиз, Жакартада Кураш бўйича 7 вазн тоифасида медаллар жамланмаси ўйналган эди. Яқинда Осиё Олимпия кенгаши (ООК) президенти Шайх Аҳмад Ал-Фаҳад Ал-Сабах ва Халқаро кураш ассоциацияси президенти, Осиё ўйинлари департаменти директори Хайдар Фармоннинг юртимизга ташриф буюрган ва Ўзбекистон Миллий олимпия қўмитаси президенти Умид Аҳмаджонов билан ўтган учрашувдан сўнг кейинги Осиё ўйинларида кураш бўйича 15 та медаллар жамланмаси ўйналиши борасида келишувга эришилган эди. Манба: Ўзбекистон миллий олимпия қўмитаси   

2018 йилнинг 9 декабрь куни Россиянинг Орёл шаҳрида кураш бўйича “Kurash Russia Open” (Россия Очиқ чемпионати) 1-халқаро турнири ўтказилди. Россия Кураш федерацияси томонидан ташкил этилган мазкур мусобақада дунёнинг 8 мамлакатидан 100 нафарга яқин спортчи ғолиблик учун гиламга чиқди. Беллашувлар эркаклар ўртасида 73, 90 ва +100 кг вазнда, аёллар ўртасида эса 70 кг вазн тоифасида ўтказилди. Ғолибларга қуйидаги пул мукофотлари топширилди: 1-ўрин (Олтин) - $ 2000 2-ўрин (Кумуш) - $ 1000 3-ўрин (2 та бронза) - $ 500 Халқаро турнирда Россия ва Ўзбекистон спортчилари бошқаларга қараганда кучлироқ эканини намойиш этдилар. Россия кураш федерацияси президенти Иброҳим Худойбердиев: “Россия кураш федерацияси ёш ташкилот саналади. 

Бироқ, биз ўзимизда халқаро мусобақалар ўтказишни асосий мақсад қилиб қўйганмиз. Бу бизнинг илк йирик мусобақамиз ва охиргиси эмас. Кураш Россия ёшларининг севимли спорт турига айланиши учун бор имкониятларимизни ишга соламиз”. Россия терма жамоаси бош мураббийи А.Коновалов: “Бу бизнинг мезбонлигимиздаги биринчи халқаро турнир ва Россия термасининг иштирокидан жуда хурсандман”. Натижалар Эркаклар 73 кг 1. Умид Эсанов (Ўзбекистон) 2. Урол Содиқов (Ўзбекистон) 3. Хаймиддин Жобборов (Тожикистон) 3. Иван Наумов (Беларусь) Эркаклар 90 кг 1. Юрий Божа (Россия) 2. Умар Боқиев (Россия) 3. Павел Содковой (Россия) 3. Юрий Шикалов (Россия) Эркаклар +100 кг 1. Муҳсин Ҳисомиддинов (Ўзбекистон) 2. Бекзод Каримов (Ўзбекистон) 3. Руслан Киселев (Россия) 3. Дмитрий Балянов (Россия) Аёллар 70 кг 1. Галина Амбартцумян (Россия) 2. Владлена Гусева (Россия) 3. Ксения Скарга (Россия) 3. Гулмира Исматова (Ўзбекистон)  

2017 йил Туркманистон пойтахти Ашхобод шаҳрида бўлиб ўтган Осиё олимпия кенгашининг 36-Бош ассамблеясида ўзбек спорти учун тарихий воқеа содир бўлди. Яъни, 2018 йил 18 августдан 2 сентябрга қадар Индонезия пойтахти Жакарта ва Палембанг шаҳарларида бўлиб ўтадиган 18-Осиё ўйинлари дастурига ўзбек миллий кураши киритилгани ҳақида қарор қабул қилинди. 2018 йилги Осиё ўйинларида жами 43 спорт тури бўйича баҳслар бўлиб ўтди. Илк бор мусобақаларда иштирок этган Ўзбек кураши - 7 та вазн тоифасида (4 та эркаклар, 3 та аёллар) беллашувлар ўтказилди. Унда юртимиз шарафини ҳимоя қилган 14 спортчидан 12 нафари медалларга сазовор бўлди. Осиё Олимпия Кенгашининг хулосасига кўра, 2022 йилги Осиё ўйинларидан бошлаб кураш 15 та вазн тоифасида (7 та эркаклар, 8 та аёллар) беллашувлар ташкил этилади. Шунингдек, эркаклар ва аёллар ўртасида жамоавий беллашувлар ҳам ўйинлар дастуридан ўрин олади. Шу тариқа, кураш баҳсларида умумий ҳисобда 17 та медаллар жамланмаси ўйналади. 

Тошкентда бўлиб ўтган халқаро кураш турнири ҳақидаги тассуротлари билан бўлишар экан, Шержанов кураш ўз асосий вазифасини тўлиқ бажарганини ҳамда асосий натижа - дунёвий спорт тури эканлигини исботлаганини қайд этди Тошкентда ўтказилган Ўзбекистон президенти соврини учун 1-халқаро турнирда дунёнинг 40га яқин давлат вакиллари иштироки - ўзбек курашига, Ўзбекистонга нисбатан катта ҳурмат ва эътиборни англатади, деди Sputnik мухбири билан суҳбатда Ўзбекистон Кураш Федерацияси Хоразм вилояти бўлинмаси ижрочи директори Райимбой Шержанов. Шержанов суҳбат давомида пойтахтда ўтказилган ушбу турнирга кўтаринки кайфият, ғурур билан етиб келганини таъкидлади. "Байрам устига байрам, хурсандчилик устига хурсандчилик бўлаяпти. Улуғ, беқиёс байрамимиз -Мустақиллигимизнинг 27 йиллик тўйини нишонлаётган кунларда Жакартадан келган катта хушхабарлар мана шундай кайфиятни бизга бахш этди. Ўзбекистоннинг забардаст ўғиллари, қизлари юртимизнинг элимизнинг байроғини 5-ўрингача сарбаланд кўтаришининг ўзи Ўзбекистоннинг нақадар ўсиб бораётганидан дарак беради", - деди фахрий меҳмон. 

Асли касби инженер-механик бўлган, аммо кураш тушиш бобосидан мерос қолган Райимбой Шержанов бугунги хурсандчилиги боисини қуйидагича изоҳлади. "Нега хурсанд бўлмаслигимиз керак? Ўзбекда яхши сўз бор, "Қорни тўқ одам ашула айтади, усти бут одам кураш тушади", деган. Ўзбекистонимизнинг халқининг қорни ҳам тўқ, усти ҳам бут. Шунинг учун спортга алоҳида эътибор берилаяпти", - деб таъкидлади суҳбатдош. Шержанов, шунингдек, курашнинг Осиё ўйинларига киритилиши ўзбек халқига фахр-ифтихор бағишлаганини таъкидлаб ўтди. "Ўзбекнинг мардонаворлиги, ўзбекнинг тантилиги, ўзбекнинг олижаноблиги, ўзбекнинг бутун қирралари мана шу курашда жам бўлган. Эътибор берсангиз, ўзбекнинг бутун борлиғидан келиб чиққан бу кураш.Беш қитъадаги 102 мамлакатда Федерациялар очилиб, ишлаб туришининг ўзиям курашнинг бутун жаҳон спорти эканлигидан далолат беради. Бир қадам турибди катта олимпиадага. 

Осиё ўйинлари кичик олимпиада ҳисобланади. Бунда ҳамма курашни севиб томоша қилди, олишди, қатнашди. Энди навбат олимпиадага", - деди у ва кураш олимп ўйинларидан ўрин эгалласа, армони қолмаслигини қўшимча қилди. Тошкентда бўлиб ўтган халқаро кураш турнири ҳақидаги тассуротлари билан бўлишар экан, Шержанов кураш ўз асосий вазифасини тўлиқ бажарганини ҳамда асосий натижа - дунёвий спорт тури эканлигини исботлаганини қайд этди. "Мана кўриб турибсиз, юзлаб ёшлар бугун турнирни томоша қилгани келди. Курашнинг ўз олдига қўйган вазифаларидан бири бу - тарбия. Рақибни ҳурматлаш, тантилик, олижанобликнинг ўзи мужассамлашганми курашда, демак, бу спорт турининг ўз олдига қўйган мақсадига бугун эришдик. Нега деганда, қаранг, 40га яқин мамлакатдан курашчиларнинг келишининг ўзи бизнинг курашга нисбатан, Ўзбекистонимизга нисбатан катта ҳурмат, эътиборни англатади. Қирқга яқин мамлакат вакилларининг келиши, мен ўйлайманки - бу бошланиши. Ҳали полвонлар 100га яқин мамлакатлардан келиб, мана шундай даврада, мана шу гиламларда кураш тушишади. Нега деганда Ўзбекистоннинг қалби ҳам очиқ, кураши ҳам очиқ, қалби ҳам тўқ, кураши ҳам тўқ", - деди суҳбатдош. 

2018 йилнинг 9 декабрь куни Россиянинг Орёл шаҳрида кураш бўйича “Kurash Russia Open” (Россия Очиқ чемпионати) 1-халқаро турнири ўтказилди. Россия Кураш федерацияси томонидан ташкил этилган мазкур мусобақада дунёнинг 8 мамлакатидан 100 нафарга яқин спортчи ғолиблик учун гиламга чиқди. Беллашувлар эркаклар ўртасида 73, 90 ва +100 кг вазнда, аёллар ўртасида эса 70 кг вазн тоифасида ўтказилди. Ғолибларга қуйидаги пул мукофотлари топширилди: 1-ўрин (Олтин) - $ 2000 2-ўрин (Кумуш) - $ 1000 3-ўрин (2 та бронза) - $ 500 Халқаро турнирда Россия ва Ўзбекистон спортчилари бошқаларга қараганда кучлироқ эканини намойиш этдилар. Россия кураш федерацияси президенти Иброҳим Худойбердиев: “Россия кураш федерацияси ёш ташкилот саналади. 

Бироқ, биз ўзимизда халқаро мусобақалар ўтказишни асосий мақсад қилиб қўйганмиз. Бу бизнинг илк йирик мусобақамиз ва охиргиси эмас. Кураш Россия ёшларининг севимли спорт турига айланиши учун бор имкониятларимизни ишга соламиз”. Россия терма жамоаси бош мураббийи А.Коновалов: “Бу бизнинг мезбонлигимиздаги биринчи халқаро турнир ва Россия термасининг иштирокидан жуда хурсандман”. Натижалар Эркаклар 73 кг 1. Умид Эсанов (Ўзбекистон) 2. Урол Содиқов (Ўзбекистон) 3. Хаймиддин Жобборов (Тожикистон) 3. Иван Наумов (Беларусь) Эркаклар 90 кг 1. Юрий Божа (Россия) 2. Умар Боқиев (Россия) 3. Павел Содковой (Россия) 3. Юрий Шикалов (Россия) Эркаклар +100 кг 1. Муҳсин Ҳисомиддинов (Ўзбекистон) 2. Бекзод Каримов (Ўзбекистон) 3. Руслан Киселев (Россия) 3. Дмитрий Балянов (Россия) Аёллар 70 кг 1. Галина Амбартцумян (Россия) 2. Владлена Гусева (Россия) 3. Ксения Скарга (Россия) 3. Гулмира Исматова (Ўзбекистон) 

Бугун пойтахтимизда жойлашган "Ўзбекистон" спорт мажмуасида кураш бўйича Ўзбекистон Республикаси Президенти соврини учун ўтказилган биринчи халқаро турнир ўз якунига етди. Соврин жамғармаси 100 минг АҚШ доллари бўлган ушбу мусобақада ҳамюртимиз Шерали Жўраев бошқа бир полвонимиз Бекмурод Олтибоевга қарши гиламга кўтарлди. Қизиқарли кечган баҳсда Шерали Жўраевнинг қўли баланд келди.